Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A nieu[1] (d'o latín < NIVIS) ye a caita d'augua en forma de multitut de chicoz cristals de chelo, ditos flocons de nieu. A causa d'a suya composición granular, tien un tarabidau suau y fluixo, si no ye atapiada por a presión. Cheneralment a nieu se forma por sublimación d'a vapor d'augua en as capas alteras de l'atmosfera, a una temperatura menor de 0 °C. A caita d'augua en forma de nieu se clama «nevazo»[2] u «nevada»[3][4] y l'orache de nieu se clama fer «nevera».[5]
Que se desvienga un nevazo, a suya intensidat y cantidat dependen, entre atros factors, d'a latitut, l'altaria, a distancia a lo mar u l'oceano y d'o día de l'anyada.
A nieu tamién se puede fabricar con l'aduya d'os canyons de nieu. Ista tecnica ye emplegada por as estacions d'esquí t'amillorar o estau d'os carrerons cuan a temperatura ye prou baixa pero no caye prou nieu.
Un estudio recient ha contrimostrato que bellas bacterias tienen un papel important en a formación d'os cristals de chelo u de nieu.[6] Por un regular se tracta d'eubacterias como as d'o chenero pseudomonas que en bels casos pueden estar patochenas. Han estato identificatas en muestras de nieu en Europa, America d'o Norte y l'Antartida.
© MMXXIII Rich X Search. We shall prevail. All rights reserved. Rich X Search